Апісанне герба
Блакітны фон герба нагадвае аб ззянні незвычайнай кветкі-папараці, якая сімвалізуе пазнанне акаляючага свету і зямных таямніц. Т
ой, хто адшукае яе ў Купальскую ноч, павінен стаць мудрым і дабрачынным.
Папараць, як адна з самых старажытных раслін на планеце, асацыіруецца з багатай і глыбокай гісторыяй Барунскай школы. Памяць аб адукацыі на барунскай зямлі авеяна легендамі, звязанымі з сусветна вядомымі асобамі, якія вучыліся тут у розныя часы.
Сцябліна папараці, якая плаўна пераходзіць у пяро, размешчана на фоне залатога аркуша — гэта сімвал асветы, пісьменнасці і навукі. Залаты колер аркуша і рамкі абазначае праўдзівыя думкі, гармонію мудрасці. Зялёны – колер надзеі і сталага аднаўлення.
Гімн школы
Мы ўсе, Беларусь, твае дзеці,
Нашчадкі Скарынавых спраў,
А лепшае месца на свеце –
Дзе першы званок прагучаў.
Прыпеў:
Барунская школа, а мы – маладыя,
І з кнігай сябруе вучнёўскі наш гурт.
Барунская школа – два словы святыя
Для кожнага, хто навучаецца тут.
Настаўнікі – нашы дарадцы,
І што ні ўрок – адкрыццё,
А цяжкасцяў нам не збаяцца:
Мы песняй вітаем жыццё.
Прыпеў.
І кожны ў нас – малайчына!
Спяшаемся мы з класа ў клас,
Хай славіцца наша Айчына,
І збудуцца мары ў нас!
Прыпеў.
Нам школай сваёй ганарыцца!
Так весела крочыць сюды!
А вырасцем – будуць нам сніцца
І клікаць дзяцінства гады.
Прыпеў.
Верш Міколы Кутаса, музыка Галіны Кутас