Гісторыя ДУА «Барунская сярэдняя школа»
1617 г. — пасля рэфармавання ордэна манахі-базыльяне атрымалі прывілеі караля і папы Рымскага. У выніку ў Барунах была адкрыта пачатковая школа для манахаў і святароў.
1700 г. – у Баруны – адзін з буйнейшых базыльянскіх цэнтраў на беларусі ў XVII – першай трэці ХІХ ст. – была перавезена школа разам з маёмасцю і настаўнікамі з мястэчка Вішнева. Гэта была 3-гадовая навучальная ўстанова свецкага напрамку.
З 1740 г. — школа рыхтуе кандыдатаў у духоўнае званне.
1780 г. – свецкая 6-гадовая школа.
1803 г. – у Барунскай базыльскай школе займалася 150 вучняў, у наступным – 140. У другім дзесяцігоддзі ХІХ ст. тут займаецца каля 200 чалавек моладзі ва ўзросце ад 9 да 18 гадоў. Вядомымі выпускнікамі былі Ігнацы і Ленард Ходзька, Антоні Эдвард Адынец, Юльян Корсак.
1831 г. – прынята пастанова аб скасаванні базыльянскай школы ў Барунах і створана духоўная школа.
1833 г. – школа закрытага тыпу, дзе выкладаюць выключна вучоныя манахі.
Да 1917 г. у Барунах у двухпавярховым мураваным манастырскім будынку, які быў пабудаваны ў 1808 г. размяшчалася мужчынская духоўная настаўніцкая школа з трохгадовым курсам навучання і двухкласная школка.
1920 – 1922 г. працавала Беларуская настаўніцкая семінарыя ў Барунах, дырэктарам якой быў вядомы беларускі дзеяч і асветнік Сымон Рак-Міхайлоўскі. Пазней семінарыя стала польскай. Выкладалі тут сын і нявестка класіка нашай літаратуры Ф. Багушэвіча. Адным з вядомых выпускнікоў быў пісьменнік і перакладчык П.Бітэль.
У 1933 г. Барунская школа атрымала статус сямігадовай.
1944 г. – пачатковая школа.
1953 г. – сярэдняя школа.
1980 г. – Барунская школа набыла новы будынак.
2008 г. – Барунская СШ рэарганізавана ў навучальна-педагагічны комплекс.
2011 г. — Дзяржаўная ўстанова адукацыі «Барунскі вучэбна-педагагічны комплекс яслі-сад-сярэдняя школа»
2022 г. — Дзяржаўная ўстанова адукацыі «Барунская сярэдняя школа»
Матэрыяльна-тэхнічная база
У школе маецца:
- 15 кабінетаў
- метадычны кабінет
- кабінет педагога сацыяльнага
- камп’ютарны клас (11 камп’ютараў)
- майстэрня
- кабінет абслугоўваючай працы, сацыяльна-бытавой арыенціроўкі
- бібліятэка
- актавая зала
- піянерскі пакой
- музей
- спартыўная зала
- кабінет прафесійнай арыентацыі
- сучасная ўніверсальная спартыўная пляцоўка
- яслі-сад
- сталовая